கூகிள் +1 பட்டனில் புதிய வசதிகள் – Sharing & Inline Annotations

வலைத்தளத்தை கூகிள் தேடலில் முன்னிலைப் பெறச் செய்ய உதவியாக இருப்பது கூகிள் +1 பட்டன் ஆகும். நமது வலைப்பதிவை படிப்பவர்கள் இந்த பட்டனைக் கிளிக் செய்து விட்டுச் செல்வார்கள். இது வெறும் ஓட்டுப்போடும் பட்டனாக மட்டுமே இருந்தது. ஆனால் நமது பதிவுகளை கூகிள் பிளசில் நண்பர்களோடு பகிர / Share செய்வதற்கு என்று எந்த வசதியும் இல்லை. மற்றொரு சமூக வலைத்தளமான Facebook ஐ எடுத்துக் கொண்டால் செய்திகளை அந்தந்த வலைப்பக்கத்தில் இருந்தே பகிர்வதற்கு Facebook Like, Share பட்டன்கள் இருக்கின்றன.

1.Share on Google+

மேற்குறிப்பிட்ட Sharing வசதியைப் போல கூகிள் பிளஸ் தளத்தில் எளிதாகப் பகிர்வதற்காக கூகிள்+1 பட்டனிலும் புதியதாக Sharing வசதி கொண்டு வரப்பட்டுள்ளது. இதன் மூலம் வலைப்பக்கத்தில் இருக்கும் கூகிள்+1 பட்டனில் ஒட்டுப் போட்ட பின்னர் Share on Google+ என்பதைப் பார்க்கலாம். அந்த இடத்தில் கிளிக் செய்தால் ஒரு சிறிய பெட்டி (Snippet Box) போன்று காட்சியளிக்கும்.
அதில் பதிவின் தலைப்பு, பதிவின் சுருக்கம், பதிவில் படங்கள் இருந்தால் படமும் அதனடியில் Share பட்டனும் காணப்படும். அதனைக் கிளிக் செய்தால் உடனடியாக செய்தியானது உங்கள் கூகிள் பிளஸ் புரோபைலில் பகிரப்படும்.இதன் மூலம் பதிவுகளை நாமும் நமது நண்பர்களும் எளிதாக கூகிள் பிளஸில் பகிர முடியும்.

2.Inline Annotations.

ஏற்கனவே கூகிள்+1 பட்டன் அருகே மவுசைக் கொண்டு செல்லும் போது நம் நண்பர்கள் ஒட்டுப் போட்டிருப்பின் யார் யாரென அறிந்து கொள்ளலாம் என்பது உங்களுக்குத் தெரியும்.

அதையே வலைப்பக்கத்தில் ஒரு பட்டையான விட்ஜெட் போல வைத்துக் கொண்டால் குறிப்பிட்ட பதிவிற்கு ஏற்கனவே ஒட்டுப்போட்ட நமது நண்பர்களின் பெயர், புகைப்படத்துடன் தோன்றும். இதன் மூலம் உங்களுக்கு ஒரு சிறப்புக் கவனம் ஏற்படுத்தப் படுகிறது. (Special Attention). அதாவது உங்கள் நண்பர்கள் இத்தனை பேர் ஓட்டுப் போட்டிருக்கிறார்கள் என்கிற போது நீங்களும் ஓட்டுப் போடுவீர்கள். இந்த வசதி பேஸ்புக்கின் Recommendations வசதியைப் போன்றது.

Ponmalar and 23 others +1’d this (Google Plus)

இந்த Inline Annotations வசதியை வலைப்பூவில் சேர்க்க கீழே உள்ள சுட்டியைக் கிளிக் செய்து Annotation என்ற இடத்தில் Inline என்பதைத் தேர்வு செய்து கோடிங்கைப் பெற்று வலைப்பூவில் சேர்த்துக் கொள்ளலாம். http://www.google.com/webmasters/+1/button/

வழக்கமான பழைய பட்டனும் வைத்துக் கொள்ளலாம். இந்த இன்லைன் விட்ஜெட்டையும் கூடுதலாக சேர்த்துக் கொள்ளலாம். கூகிள்+1 பட்டனைச் சேர்ப்பது பற்றிய பதிவைப் பாருங்கள்.

முக்கிய குறிப்பு : இந்த இரண்டு வசதிகளும் Googleplus-platform-preview என்ற கூகிள் குருப்பில் இணைந்திருப்பவர்கள் மட்டுமே தற்போது பயன்படுத்திப் பார்க்க முடியும். இல்லாவிட்டால் கூகிள் பிளஸ் குருப்பில் இணைந்து கூகிள்+1 பட்டனில் வரவிருக்கும் புதிய வசதிகளை உடனடியாக பயன்படுத்த இந்த பதிவைப் பார்க்கவும்.

எல்லோருக்குமான இந்த புதிய வசதிகள் இன்னும் சில நாட்களுக்குள் அறிமுகப்படுத்தப் பட்டு விடும்.

Tweet