ஹைடெக் முதல்வர்

அரசாங்கத்தின் செயல்பாடுகளும் சட்டதிட்டங்களும் குடிமக்களுக்கு வெளிப்படையாக எப்போதும் இருந்ததில்லை. அதனாலேயே பலரும் எந்தப் பிரச்சினைக்கும் யாரையும் அணுகாமலே இருந்து விடுகின்றனர். முதன் முறையாக மாநில முதல்வரின் செயல்பாடுகளை யாவரும் அறிந்து கொள்ளும் படி செய்திருக்கிறார் கேரள முதல்வர் திரு.உம்மன் சாண்டி. இதன் படி முதலமைச்சரின் பிரத்யேக அறை, அலுவலக அறையில் நடக்கும் செய்லபாடுகளை லைவ் ஆக பார்க்க முடியும்.

கேரள முதலமைச்சராக பொறுப்பேற்ற உம்மன் சாண்டி ஜுலை மாதம் 1 ந்தேதி முதல் அவரின் அலுவலக நடவடிக்கைகள் அனைத்தையும் இணையத்தில் 24 மணி நேரமும் நேரடியாக காணும் வகையில் 'லைவ் வெப்காஸ்ட்' (Live webcast) வசதியைத் தொடக்கி வைத்தார். நாட்டிலேயே முதன் முறையாக 2004 ஆம் ஆண்டு இந்த வசதியைக் கொண்டு வந்த பெருமை அவருக்கே. பிறகு ஆட்சி மாற்றத்தின் காரணமாக செயல்படாமல் இருந்ததை மறுபடியும் ஆரம்பித்து வைத்துள்ளார்.
இந்த இணையதளம் மூலம் முதல்வருக்கு மக்கள் கோரிக்கை மனுக்களை அளிக்கவும் வசதி செய்யப்பட்டுள்ளது. அத்துடன், முதல்வர் உம்மன் சாண்டியின் Facebook,Youtube வீடியோ பக்கங்களுக்கான இணைப்பும் தரப்பட்டுள்ளன. முதல்வரின் செய்தி அறிக்கைகளையும் ஊடகங்கள் இங்கே தரவிறக்கிக் கொள்ளலாம். முதல்வர் தொடர்பான செய்திகளையும் எளிதாக அறிந்து கொள்ள முடியும்.

(Cheif Minister Room Live )

இங்கே முதல்வரின் செய்தியாளர் கூட்டம், அமைச்சரவை நடவடிக்கைகள் மற்றும் கூட்டங்கள் ஆகியவையும் நேரலையாக வெப்காஸ்ட் மூலம் பார்க்கலாம். எனினும், இந்தக் கூட்டங்களில் ஆடியோவை கேட்க முடியாது.

(Chief Minister's Office Live)

இதைப் பற்றி முதல்வர் "இந்த வெப்காஸ்ட், அரசின் கொள்கைகளில் ஒன்று. இதன் மூலம் நிர்வாகத்தில் வெளிப்படைத் தன்மை அதிகரிக்கும்' என்ற கருத்தையும் தெரிவித்துள்ளார்.

இணையதளம் : http://keralacm.gov.in/

Tweet